بسم الله الرحمن الرحيم

اول شيء نحضر الصلصة الحمراء ، في مقلاة بها شوية زيت نقلي البصل و الثوم مع الملح حتى يذبل ثم نضيف اللحم المفروم، و نقلي

هنا نرحي الطماطم ثم نضيفها إلى المقلاة مع الطماطم المصبرة

نضيف التوابل وورقة الغار و نخلط ثم نمرق بكوب ماء و نخليها تستوي و لازم يبقى فيها كمية من الماء

أنا ضد وضع معجنات اللازانيا مباشرة دوق سلقها لانها لا تأخذ كفايتها من النضج لهذا اسلقها في ماء و ملح نصف المدة فقط حتى تصبح نوعا ما طرية

الان نحضر البشاميل في كسرول نضع المارغرين مع الفرينة و نحرك على نار هادئة ثم نضيف الحليب و الملح والتوابل ونستمر في التحريك حتى تثقل ثم نضيف الجبن و تكون جاهزة

الان مرحلة تركيب الطبقات 👌 في صينية وضعت كمية صغيرة من البشاميل ثم طبقة من أوراق اللازانيا ثم طبقة من صلصة اللحم المفروم و بعدها طبقة خفيفة من البشاميل

أواصل بنفس الترتيب حتى أكمل آخر طبقة

آخر طبقة تكون عجينة لزانيا نحط عليها كمية مليحة من البشاميل و نرش عليها جبن شيدر و نغلفها بورق الألمنيوم و ندخلها الفرن على 170 درجة

نخليها نصف ساعة من الاسفل بعدها ننزع ورق الألمنيوم و نشعل الشواية حتى تاخذ لون من الاعلى