نغسل اللحم جيداً ويوضع في مصفاه لتصفيته من الماء تماما.

في وعاء عميق نضع اللحم ونضيف عليه كل التوابل والملح والخل والصوص والدبس والبلسمك ونقلب كويس جداً حتى تمام التجانس ثم نغطي الوعاء بغطاء محكم أو ستريتش ونضعه في الثلاجه على الأقل ٤ ساعات ونعيد تقليبهم بعد ساعتين.

نحضر مقلاه ونحط فيها ملعقة زيت أو زبده و نسخنها كويس جداً وبعدين ننزل باللحم فيها تأخذ صدمه على الوجهين ونكون حاطين وعاء تاني فيه مياه تسخن..

بعد ما اللحم يبتدي ينزل ميته ننزل عليه بالمياه المغليه حتى كامل الغمر ونخفف النار ونغطيها لحد ماتستوي مع مراعاه الحفاظ على منسوب الصوص بتاعها عشان هو ده اللي هنعمل بيه الديميجلاس.. وبعد تمام النضج نرفع اللحم من المقلاه في وعاء منفصل.

لتحضير صوص الديميجلاس: نجيب حله صغيرة ونحط لها ملعقة زبده كبيره ونبشر البصله ونقلبها في الزبده لحد ما تذبل ويتغير لونها بعد كده ننزل عليها بصوص اللحم ونخفف عليها النار.

نجيب كوب ماء كبير ونحط فيه 3 ملاعق كبار بودرة الديميجلاس وعليه ملعقة صغيرة دقيق وملعقة صغيرة نشا ونقلب كويس ونضيف كل المكونات على الصوص ونقلب كويس حتى الحصول على قوام مناسب.

نجيب اللحم وندهنه بفرشاه زبده سايحه ونحطه في الفرن ونشغل عليه الشوايه لحد ما تتحمر كويس على الوجهين.. نحطها بعد كده في طبق التقديم وعليها الصوص.. تقدم مع البطاطس الويدجز والأرز البسمتي وسلطه طماطم وبألف هنا.😋