إفتح في تطبيق كوكبادالخطوات
- 1
هنعمل الثوميه : هنحط في حله صغيرة كوب ماء بارد ونحط عليه 3 ملاعق نشا ونقلب على البارد وبعدين نشغل النار ونفضل نقلب، هنلاقي النشا والماء عملو زي مهلبيه لونها شفاف وتقيله كده هي تمام هنسيبها تبرد
- 2
هنحط النشا بعد ما بردت في محضر الطعام ونضربها لمدة دقيقه وبعدين هنفتح المحضر من فوق وننزل الزيت سرسوب وهي بتتضرب عشان يدينا قوام كريمي وبعدين ننزل السكر والملح والثوم والمايونيز والخل ونضرب لمدة دقيقتين
- 3
وبعدها نشوف القوام لو تقيل ننزل بسرسوب ماء وهي بتتضرب لحد ما نوصل للقوام المناسب وكده تبقي الثوميه معانا جاهزه
- 4
هنجيب حله متوسطه على النار و نحط السمن و الزيت و ننزل الرز مغسول و متصفي و هنقبله شويه مع السمن و الزيت و نحط الملح حسب الرغبه و بعدين ننزل ب ٤ كوب ماء مغلي
- 5
هنشوف الرز اما يشرب الماء هنوطي النار عليه خالص و ثلث ساعة يكون استوى
- 6
هنتبل الفراخ بالبهارات و الملح و الفلفل و بعدين نجيب طاسه ساخنه على النار و ننزل بالفراخ تأخذ صدمه و مش هنقلب الا اما تأخذ لون
- 7
وهنفضل نقلب في الفراخ بعد م تأخذ لون لحد 10 دقائق هتكون استوت معانا وكده تبقي الشاورما جاهزه
- 8
هنقطع العيش مربعات صغيرة بالمقص ونحمره في زيت غزير ونطلعه على مناديل مطبخ وكده هتكون المكونات كلها جاهزه معانا وهنبتدي التقديم
- 9
في طبق التقديم هنحط معلقتين ثوميه وعليهم معلقتين مرقه دجاج ساخنه ونقلبهم على بعض وبعدين هنحط الرز ونقلبه مع الثوميه والشوربه وبعدين نحط العيش
- 10
ونقلب كله على بعضه لحد م نحس انه كل المكونات امتزجت تمام وبعدين نساوي الطبق ونحط الشاورما على الوجه وعيش للتزيين على الوجه وبألف هنا وشفا 😍
كلمات ذات صلة
وصفات مشابهة
وصفات ننصحك بمشاهدتها
التعليقات