الرشتة العاصمية
#سفاري_الشمال ....... بنتها تهبل
إفتح في تطبيق كوكبادالخطوات
- 1
في قدر ندير الزيت مع ملعقة صغيرة سمن يسخنو ونضيفلهم قطع الدجاج يتقلاو مليح حتى ياخذو اللون الاحمر ومبعد نزيدلهم حبة بصل تكون مرابية كي تولي تذبال نرمي عليهم الجزر واللفت يكونو مقطعين على 4. والبطاطا على 2 ونديرلهم ليزيبيس ونخليهم يتقلاو مليح
- 2
من جهة اخرى نفتح الرشتة مليح ونديرلها شوية زيت ونحطها تفور
- 3
نعاودو نرجعو للقدر نتاعنا بعدما تقلاو مليح انمرق ونخليها اطيب
- 4
كي تفور المرة الاولى نحيها ونشمخها بالماء حتى تثقال شوية ونخليها. كي تشرب مليح نملحها ونديرلها شوية زيت ونعاود نرجعها تفور للمرة الثانية
- 5
ونديرها تفور على القدر تاع المرقة.ومن جهة اخرى نقطع القرعة على4 ونديرلها الملح والكمون ونفورها وحدها (هذا من الاسرار لي جي بنتها تهبل)
- 6
بعدما يطيب (يستوي) كلشى نحط الرشتة نتاعي ونسقيها بشوية من المرق ونحطها في صحن التقديم ونشبحلها الخضر نتاعها والحمص والدجاج
كلمات ذات صلة
وصفات مشابهة
وصفات ننصحك بمشاهدتها
التعليقات