نضيف مكونات المحشي الارز والفلفل الاسود والشطه والملح والكمون والخضره والصلصة والزيت ونقلبهم كويس ………… نيجي اللحمه حله على النار ومعلقه كبيره زبده او سمنه بلدي ونشوح اللحمة على نار متوسطه ونحط الثوم والبصله والحبهان واللوري والفلفل الاسود ومانحطش الملح عليها خالص دلوقت علشان تستوي بسرعه ونسيبها تنزل الماء بتاعها ونغطي عليها

ونغلي ماء على ما اللحمة تنزل الماء بتاعها واول ما تبدا تتحمر حبه والماء هتنشف ننزل بالماء السخنه عليها ونسيبها بقي تغلي مع نفسها ونرجع نعلي النار وشريه كده اول ماالحمه هتبدا تدخل في النضج نحط الملح وتغلي غلوه.. اول ما تبدا تستوي نصفي الشوربه من البصل واللوري والحبهان وغيره علشان هنحتاجها لتزويد للمحشي

نجيب الحله اللي هنعمل فيها المحشي ونحط في الاخر اللحمة ونرش عليها فلفل اسود بسيط وملح بسيط ونحط الشوربه بتاع كوب بالشكل ده وبعدين نرص المحشي بعد ما لفيناه بالشكل ده ونكمل بالشوربه لحد ما تيجي عند المحشي مانغرقوش ورشه خل بسيطه على الوجه ورشه زيت بسيط ونغطيه بطبق علشان تبقي متحكمه في المحشي مايتفكش من الغليان لحد ما الماء تغلي بتاع المحشي ويبدا يتشربها ونشيل الطبق

اول ما يبدا المحشي يتشرب الماء من على الوجه نعمل النار على متوسط ونتابعها نصف ساعة كده وخليها على الهادي بعد كده يستوي على الهادي والف هنا