طاجين الزيتون : نماريني الداند تاعي نديرلو الملح الفلفل لكحل الكركم راس الحانوت وملح ونخليه شوية

نحك بصلة والثوم وندير التوابل ونحط الداند ونقلي ونزيد معاه الزيتون لي غليتو مرتين ونقلي مليح ونمرق بشوية ماء ونخليه حتى يطيب

خبز الدار : نحط سميد والفرينة في حدود كيلو ونبسس بنص كاس زيت ونحط الملح ونخلط ونزيد خميرة كيميائية وخميرة الخبز والسكر

نلم بالماء وماء الزهر تكون عندي عجينة طرية

نخليه يرتح ربع ساعة ومن بعد نعجنو مليح كي يتعجن نسقيه بالماء الزهر حتى تولي جارية

ندهن المول ونحط العجين تاعي ونخليه يخمر نص ساعة ندهنو بصفار بيضة وندخلو يطيب بالفرن