تحضير العجينه :

منخلط الماء والطحين والملح وحبه البركه اذا متواجده بالبيت بس مو ضروريه منخلطن منيح لبين ما تصير عجينه متماسكه بجوز يلزمنا شويه طحين اكتر حسب نوع الطحين وبس صارت العجينه منحط الزيت ومنعجن اكتر لحتى ما تلزق العجينه وقت الفرد وما بيلزما تخمير فينا فورا نشتغل فيها

تحضير الحشوه :

منفرم البصله لحال والبقدونس لحال وبعدا منقلي البصله بالسمنه ومنضيف اللحمة والبهار والملح وبس استوت منحط البقدونس المفروم ليدبل ومنطفي النار عليهن

بس بردت اللحمة منفرد العجينه ومنقطعا دوائر ومنحط بقلبا الحشوه ومنسكرا وبعدا منقلي السمبوسك بزيت نباتي حااامي لبين ما يصير لونو ذهبي وما بياخد وقت بالزيت ديرو بالكن يادوب خمس دقائق وصحتين وعافيه