القلقاس الخطير بطريقة امى وجدتى على الاصل دور
إفتح في تطبيق كوكبادالخطوات
- 1
نقوم بتحضير المكونات لكى يسهل علينا عملية التحضير
- 2
نقوم بتنظيف القلقاس ونمسكه بفوطه نظيفه ونبدأ ننزع عنه القشر ونقطعه على الناشف بدون اى ماء خالص ونحاول نمسحه من اى شوائب عليه بفوطه نظيفه ونقطعه الى مكعبات صغيره وننزل عليه بعصير ٣ لمون ونقلب كويس ونسيبه منقوع فى الليمون لمدة ساعه الليمون مهم جدا جدا بيمنع اى ماده مخاطيه تطلع منه
- 3
نقوم بتحضير شوربة القلقاس نضع اوراق الكثبره الخضراء المتقطعه صغير جدا وننزل بالملح والفلفل الاسود ومكعب ماجى ونتركها على النار لمدة ربع ساعه تاخد من نكهة الكثبره
- 4
نقوم بتحضير السلق ننزع الاوراق من العود بالشكل ده ونغسل الاوراق جيدا ونضعها فى مصفاه ونحاول نتخلص من الماء الذايد
- 5
نقوم بوضع ورق. السلق فى طاسه بها زيت وملعقه سمن بلدى ونقلب وتقريبا بياخد ربع ساعه لغايه ما تحسى انه نشف وبيخشخش يعنى بيعمل صوت فى الملعقه اثناء التقليب وقبل ما ينشف بدقايق نحط الثوم. المهروس ونقلب حتى الثوم يصفر
- 6
ونقلب بمعلقة اكل عاديه فى الاخر علشان. نقدر نشوف لون الخصار الحلو للسلق وكمان نسمع الصوت السلق فى المعلقه لما ينشف ونضعه فى الكبه ونضربه جيدا
- 7
وبعد الشوربه ما اخدت طعم الكثبره ممكن تصفيها من الكثبره قبل ما تنزلى بالقلقاس لاكن انا بفضل اسيبها احلى واطعم وعندما يصل القلقاس لنصف سوا ننزل بجزء من السلق لو حسيتى ان لون الخضار فاتح اوى وحابه تغمقى شويه بتروحى تحمريه تانى فى نفس طاسة التحمير كام دقيقه وتنزلى بيه على القلقاس
- 8
وهنا انا ظبطت لونه والملح وخلاص استوى وبقا ذبده وبالف هنا
- 9
وده شكله النهائى حبايب قلبى يارب وصفتى تكون عجبتك اتمتى تجربيها
- 10
لو حابه تتفرجى على الوصفه فيديو كامل على قناتى مطبخ ميمو https://m.youtube.com/channel/UCCwb1e_z2vN7U79LvApt6gg
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (3)