خبيزة 😋😋😋
إفتح في تطبيق كوكبادالخطوات
- 1
قطفت الخبيزة والسلق والخضرة وغسلتهم كتير جداً عشان التراب والطين..
- 2
بحط ماء تغلي على النار وبسقط فيها الخبيزة ونص كمية السلق والبصل وفصين الثوم والطماطماية واسيبهم يتسلقوا كويس..
- 3
بصفيها واشطفها بسرعة بمية باردة عشان تفضل محتفظة بلونها الأخضر..
- 4
بجيب الرز واسلقه في مقدار من المرقة لحد مايستوي وحباته تتفتح..
- 5
على النار في طاسة بحط شوية زيت على زبدة او ممكن زيت بس ولما يسخن اكون نشفت ورق السلق الباقي كويس وانزل بيه عشان احمره ومعاه فصين تلاتة ثوم سليم وكمان معاه الخضرة الشبت والكزبرة المفرومين
- 6
نفضل نقلب فيهم على نار هادية لحد ما ينشف ويتحمص معانا ويكون بيقرمش وبيخروش في الطاسة ناشف خالص
- 7
في الخلاط بنحط كبشة شوربة وعليها الخبيزة المتصفية و كمان خليط السلق والخضرة المتحمرين ونضربهم وهتكون سائل كثيف وناعم جداً..
- 8
في حلة على النار نغلي شوية من المرقة وننزل عليها بخليط الخبيزة ونقلبها كويس لحد ماتمتزج ونزود عليها الرز المسلوق وكل واحد يظبط السمك اللي يحبه للخليط.. انا بحبها متوسطة ومش بزودها مرقة كتير
- 9
في طاسة على النار معلقتين سمنة بلدي.. بلدي ياجماعة بتدي طعم خطييييير للخبيزة حاجة دمار بجد😋 ونقلي الثوم المفروم مع الكزبرة لحد مايبقى ذهبي ونطشه على الخبيزة 😌 ورغيف ذرة ملدن ومحمص و شوية باذنجان وفلفل مخللين بالدقة وعيشوا 😍😍😍..
كلمات ذات صلة
وصفات مشابهة
وصفات ننصحك بمشاهدتها
التعليقات