نحضر العصاج أولا تقطع البصلة صغير ونشوحها في ملعقتين كبيرة من الزيت وأول ماتتبدل ننزل باللحمة ونشوحها مع البصلة وبعدين ننزل بالفلفل ويكون مقطع قطع صغيرة ونقلبهم مع بعض وبعدين نضع عليهم ملعقة الصلصة والبهارات ونقلبهم مع بعض وبعدين نسبهم ٥ دقائق على النار ويبقى جاهز معانا

نضع في طبق ملعقتين من السمنة وملعقتين من الزيت وكمان هاقولك على تكة حلوة أوى صفى العصاج من الزيت وخدى الزيت دة وحطيه على السمنة والزيت إللى معاكى هايدى للجلاش طعم حلو جداً

نبدأ بقى الطريقة افردى الجلاش بالعرض وادهنى اول ورقة بالسمن والزيت وبعدين اتنى الورقة على اتنين وحطى كمية العصاج إللى إنتى عايزاها واقفلى الورقة على الجلاش من اليمين ومن الشمال وبعدين لفيها عادي وحطيها في صينية مدهونة سمنة خلصى الكمية إللى معاكى بنفس الطريقة

دخليها الفرن ولازم يكون سخن من قبلها على الرف الأوسط على درجة حرارة ٢٢٠ لمدة ١٠دقايق بس وبعدين خرجيها وتكونى مجهزة نص كباية ماء وعليها ملعقة صلصة طماطم جاهزة وعليها رشة ملح ورشة فلفل أسود ودى تكة تانية من تكاتى وقلبيهم مع بعض ورشيهم على الجلاش وحطى فوق الوجه سمسم وحبة البركة ودخليه ثاني الفرن يكمل سواه واول ما يصفر من تحت اطفى الفرن وشغلى عليه الشواية لحد ما ياخذ لون ذهبي حلو وبالهنا والشفا