الطعمية اللذيذة
إفتح في تطبيق كوكبادالخطوات
- 1
هتغسلى الفول المدشوش وتنقعيه في ماء على الاقل 12 ساعة
- 2
كده بعد مافات عليه 24 ساعة علشان الحباية تبقى مهرية على الآخر معايا وانا بفرمهاوغيرت عليه الماء حوالي مرتين علشان بتكون كلها غازات مش مفيدة وبتغير ريحة وطعم الطعمية
- 3
هنغسلها كويس ونصفيها تمام جداً من اي ماء
- 4
هنجيب المفرمة او الكبة وهنفرمها لحد ماتنعم انا اخدتها وشين الاول من غير الخضار ووش تالت بالخضار كل ده وانا مستخدمة الوجه ابو عيون واسعة
- 5
وبعدين غيرت الوجه وبدلته بالوش ابو عيون ضيقة واخدتهم وشين كمان ودى صورة الكرات البلدي الحلو بتاعنا
- 6
لحد ما حسيت ان العجينة ناعمة بس طبعاً مش زي بتاعة محلات الفول والطعمية
- 7
النص كيلو عملى 4 اكياس حلوين وكل كيس بيعملى حوالي 10 طعميات حجمهم كويس لاكبار ولا صغيرين وبططتهم وحطيتهم في الفريزر
- 8
لما احب استعمل الكيس بحطه مقفول طبعاً في ماء من الحنفية عادية واكيد مش ساخنة واسيبه وهو هيفك لوحده واوعى تقولى استعمل المايكرويف لان عجينة الطعمية عدوها السخونية
- 9
ولما فكت خلاص هحطلها التوابل بتاعتها عبارة عن كزبرة كتير وشوية كمون على كراوية كله مطحون بس الكراوية فعلا بتخلى طعمها حلو اوي وريحتها واو وسنة صغنونة بيكنج بودرة او بيكنج صودا واوعى تكترى الحباية هتنفش اوي وهتطرى ومش هتبقى عاطفية
- 10
جهزى بقى الزيت وخليه يسخن اوي وهنطعمه الاول قبل ما نقلى الطعمية باننا نقلى فيه بصلاية صغننة وقرن فلفل علشان الطعمية تبقى جناااان
- 11
هنأخذ بقى من الطعمية ونحطلها سمسم ونقليها ونسيبها تدلع في الزيت لحد ماتستوى وتقرمش وخدى بالك تبططى الطعمياية وماتخليهاش تخينة هي هتنفش في الزيت بس هتظبط معاكى
- 12
وبس انا بقى عملت لنفسى واحدة كبيرة مكافأة لتعبى ده حتى طباخ الحلو بيدوقهواعمليلها فرشة شيك كده وقدميها مع سلطة خضرة وطحينة وشوية شطة وكل واتهنى انتى وعيلتك وبالهنا والشفا
الكوكسناب
وصفات مشابهة
وصفات ننصحك بمشاهدتها
التعليقات (4)