الفراخ المقرمشة بطريقة سهلة وبسيطة
الفراخ المقرمشة بطريقة سهلة وبسيطة
إفتح في تطبيق كوكبادالخطوات
- 1
الافضل تسلقى الفراخ علشان تتضمنى إنها تبقى مستوية ومتخدش وقت طويل في الزيت ودة مش صحى خالص
- 2
اغسلى الفراخ كويس جداً بالدقيق والليمون واشطفيها كويس وحطى حلة على النار فيها ماء وبصلة وجزرة وواحدة طماطم وورق لورا وضيفى البهارات إللى تحبيها
- 3
بعد السلق سيبيها تبرد وحضرى التتبيلة حطى كباية دقيق واحدة وعليها البيض والبهارات وقلبيهم كويس مع بعض وانزلى باللبن شوية شوية لحد مايبقى تقل خليط الكريب وبلاش تضيفى اللبن مرة واحدة علشان ماتخفش منك حطى بقى قطع الفراخ في التتبيلة ودخليهم الثلاجة ٤ساعات وكل ما المدة تطول يبقى أحسن
- 4
هاتى كباية الدقيق الثانية وضيفى عليها ملعقة النشا ونفس البهارات إللى ضيفتيها للتتبيلة وخدى قطعة فراخ من التتبيلة وقلبيها في الدقيق كويس ونفضيها برده كويس بس أهم حاجة تبقى متغطية بالدقيق كويس جداً
- 5
في زيت غزير ويكون ساخن والافضل يبقى في حلة علشان قطعة الفراخ تكون متغطية بالزيت هدى النار شوية بعد ما تأخذ الصدمة علشان ماتحمرش بسرعة ويطلع لونها حلو وبالهنا والشفا
كلمات ذات صلة
وصفات مشابهة
وصفات ننصحك بمشاهدتها
التعليقات