طاجن الفراخ بالفريك
طاجن الفراخ بالفريك
إفتح في تطبيق كوكبادالخطوات
- 1
تغسل الفرخة جيداً وتقطع على أربع قطع وتتبل بالملح والفلفل الأسود وتترك لمدة ساعة ويغسل الفريك جيداً وينقع في الماء لمدة نصف ساعة
- 2
نسخن السمن والزيت معا ونضيف الفرخة علشان تأخذ صدمة ولون ذهبي خفيف
- 3
نخرجها في طبق ونشوح البصلة مكانها في نفس الدهون لحد ماتدبل وبعدين نضع عليها الجزر والبنجر بعد ما نبشرهم بالمبشرة ونشوحهم قليلا مع البصل ونضع عليهم واحدة الطماطم بعد ما نقطعها قطع صغيرة ونقلبهم مع بعض وبعدين نضع عليهم بهارات الفراخ ونقلبهم
- 4
نحط عليهم الفراخ مرة تانية ونزودها ماء علشان تكمل سواها واول ماتدخل في السوا نخرجها مرة أخيرة ونضع الفريك ونظبط الملح ويجب أن تكون الماء الموجودة تكفى لسوا الفريك
- 5
بعد وضع الفريك هنقلبه ونرص عليه الفراخ وتكون النار هادية ونغطي عليهم لحد مالفريك يشرب كل السوايل ويستوى والفراخ كمان تكمل سواها هنحطها تحت الشواية بالفرن تأخذ لون ذهبي حلو وتوضع في طبق التقديم وتقدم ساخنة لزوم الدفا
- 6
ملحوظة الجزر والبنجر هايدوا قيمة غذائية عالية بس مش هيأثروا نهائي على الطعم ولا اللون النهائي
كلمات ذات صلة
وصفات مشابهة
وصفات ننصحك بمشاهدتها
التعليقات (2)