نحمص الكوكاو نرحيه نكيل ثلاث كيلات وكيلة سكر ناقصة زوج صباع وندير ملعقة سمن ونضيف الماء زهر بشوي منجمعش نفتلو كيما الكسكاس نخليه مزربع

في بلاطو ندهنو بالسمن ونفرش الورقة الأولى وندهنها بالسمن ونزيد وحدة وندهن حتى نكمل ستة الطبقات وندير الحشو وندير الطبقات الأخرى وبناتهم السمن حتى نكمل وندهن الوجه بالسمن ونقسمها بالسكين من الفوق برك مندخلش السكين الأسفل وندخلها الطيب حتى تحمار من الأسفل نشعللها من الفوق تحمار كي نخرجها نغسلها بالعسل ميكونش سخون ونخليها تبات حتى تشرب العسل كامل ونقطعها