في كسرونة ندير الماء الحليب زيت والسكر ندفيهم نحيهم (نبعدهم) من فوق النار نضيفلهم الخميرة ونغطيها حتى دير فقاعات نضيف الفرينة (طحين) والملح حتى نتحصل على عجينة طرية تلصق في اليد اعجنيهامن بعد حطيها في صحن مدهون غطيها بكيس وخليها تختمر اطول مدة ممكن كل متخمرمليح كل متجي العجينة طرية وهشة

الحشو في مقلاة ندير الزيت والزبدة البصل القطع والثوم مرابي ونقلي حتى يتكرمل البصل نضيف صدر الدجاج يكون جامد ونرابيه في لاراب نتاع البصل ونقليه نضيف مطارد ملح فلفل أسود كمون كاري قلي الدجاج من بعد نظيف الجلبانة (البازيلا) والماييز وزيتون أخضر مقطع هادي كل المكونات ونظيف كاس ماء وغطيه عليهم ونقص النار وخليهم يطيبو حتى تنشف نهائيا من أي مرق في الاخير زيدي ملعقة مايونيز وجبن كريمي ومعدنوس مقطع زيدي خليهم يتقلاو حتى يندامجو

حلى العجينة رقيقة اطبعي دوائر ديريها ونسويها مليح في لي مول لي ميني تارت وتكون خارجة على المول ندير الحشو ونزيد فرماج (جبنة) لي سندويشات ولافرماج رابي وزيد غطي بدائرة آخرى نتاع العجينة رقيقة ونحي الحواف ادهنيها بصفار البيض ديري حبة زيت زيتون أسود في الوسط ونثقبها بعود نتاع الاسنان لي خرج الهواء ونرش سانوج (حبة البركة او حبة السودا) ونخليهم يخمرو وندخلهم الفرن يطيبو تيحمروا