بطاطس مقلية بس صحية
لو عاملة رجيم ووحشتك البطاطس المقلية هتاكليها وضميرك وجيبك مستريحين ☺
بطاطس مقلية بس صحية
لو عاملة رجيم ووحشتك البطاطس المقلية هتاكليها وضميرك وجيبك مستريحين ☺
إفتح في تطبيق كوكبادالخطوات
- 1
كلنا عارفين ان البطاطس المقلية بالرغم من انها مضرة بس ادمان عند كل الناس وكمان لو حبيتى تعمليها فى القلاية الهوائية جيبك هيشتكى فأنا شغلت الفهامة والحمد لله نجحت التجربة والحكاية سهلة جدا جدا وصحيةة جدا جدا وكمان موفرة فى الغاز والفلوس
- 2
هتجيبى البطاطس وتقطعيها مكعبات ولو عاوزاها صوابع براحتك
- 3
وتجيبى معلقة زيت بس انا قلت خليها سمنة بقى مادام توفير بتوفير وتجيبى طاسة تيفال دى بقى اساسى لان فى الالومنيوم او الاستانلس هتلزق بس كده وتقومى مسيحاها على النار وتخليها تسخن بحيث لما تنزلى بالبطاطس تعمل تشششش
- 4
هتخلى البطاطس تاخد الصدمة علشان من برة تبقى مقرمشة يعنى تسيبيها على نار عالية نسبيا حوالى 3 او 4 دقايق وكل نص دقيقة اديها تقليبة بالطاسة علشان تتشمع من كل اتجاهاتها وكل ده وانتى مغطياها بالغطا
- 5
وبعدين هدى عليها النار كإنك بتعملى رز وسيبيها تاخد وتدى مع نفسها وكل شوية تشئرى عليها وتقلبيها علشان تتحمر من كل الاتجاهات
- 6
هاا؟ بطاطس متحمرة دى ولا مش متحمرة يامتعلمين يابتوع المدارس !!؟؟؟
- 7
عاوزة ترفعيها على ورق مطبخ علشان كمان تنشفى اى نقطة زيت انتى حرة مش عاوزة بلاش وكمان هتلاحظى ان الطاسة لسه فيها زيت
- 8
قدميها كده بقى او معاها صوص جبنة لذيذ وقدميها لاولادك واحبابك ومش هتبقى تقيلة عليهم ولا هتبوظ تركيزهم بالعكس لذيذة وصحية جدا وبالهنا والشفا
الكوكسناب
Keywords
وصفات مشابهة
وصفات ننصحك بمشاهدتها
التعليقات