برجر الدجاج اللذيذ
مقادير بسيطة والنتيجة كتيرة
إفتح في تطبيق كوكبادالخطوات
- 1
الوصفة دى انا جربتها بالصدور بس طلعت معايا طعم البرجر تحسيه ناشف شوية وجربتها بالصدور مع الاوراك طلع البرجر جوسى وتحفة وطعمه احلى كتير من محلات الاكل السريع اللى السندوتش قد الزرار بمبلغ وقدره وكمان مش عارفة انتى واولادك بتاكلوا ايه
- 2
الخطوات سهلة جدا هتفرمى البصل كويس جدا وتفرمى الفراخ كويس جدا وتحطى الاتنين على بعض وتديهم الاتنين فرمة كويسة تانى
- 3
مش تخليهم عصير احنا عاززين نفرمهم ناعم وبس ياستى حطى اضافاتك الباقية وقلبى كويس واعجنى علشان تطلعى عرق اللحمة وتمسك فى بعضها وماتفكش فى التسوية وشكليها بقى طويل علشان سندوتشات الفينو او مدور علشان سندوتشات الكيزر
- 4
النص كيلو عملو الكمية دى كلها
- 5
وحطيها فى الفريزر جمب بعضها مش على بعض ولما تجمد حطيهم فى كيس واربطيه وبعدين طلعيهم واعملى بيهم فطار صحى كده
- 6
او اعملى سندوتش بالطماطم والفلفل والجبنة السايحة كده وبالهنا والشفا
- 7
شوية ملاحظات كدة :- افرمى الصدور مع الوراك علشان اللحمة تطلع انعم واحلى.......شكلى القرص رفيع علشان فى التسوية هو بينفش فبيبقى مظبوط زى بتاع برة...........فى التجميد هتحطيهم على كيس بلاستيك مش مباشرة على صينية علشان مايلزقوش ويغلبوكى وانتى بتطلعيهم وماتحطيهمش طبقات على بعض قبل التجميد وبعدين لميهم وحطيهم فى اكياس واربطيهم
- 8
ممكن البرجر ده تغلفيه ببيض وبقسماط هيبقى بانيه زى اللى بتشتريه جاهز من السوبر ماركت وممكن على العجينة تحطى بيضة وشوية بقدونس وكزبرة وتعمليها كفتة فراخ وممكن بعد ماتعمليها كفتة تعمليلها صوص ابيض وتبقى كفتة فراخ بالصلصة البيضة زى ماهو موجود فى وصفاتى وبالهنا والشفا
الكوكسناب
Keywords
وصفات مشابهة
وصفات ننصحك بمشاهدتها
التعليقات