القرنبيط المقرمش بالبقسماط على طريقتي
القرنبيط المقرمش بالبقسماط على طريقتي
إفتح في تطبيق كوكبادالخطوات
- 1
حطى ماء على النار وأول ماتغلى حطى الملح ونص ملعقة صغيرة كمون وانزلى بالقرنبيط ويكون مقطع قطع كبيرة علشان ميتهريش ويستوى ٤/٣ سوى ونخرجه على مصفى ولما يبرد نقطعه لزهرات صغيرة
- 2
في بولة حطى البيضة وعليها الملح والبهارات وقلبيهم وضيفى الماء والدقيق وقلبيهم ولازم يكون الخليط متوسط مش تقيل ولا خفيف وكدة التتبيلة تكون جاهزة
- 3
ضيفي كيس الفجيتار للبقسماط وقلبيهم مع بعض
- 4
هاتى زهرة (قرنبيط) من القرنبيط وتبليها في التتبيلة وبعدين حطيها في البقسماط تبليها برده في البقسماط كويس وحطيها في طبق او صينية وكملى باقي الكمية بنفس الطريقة
- 5
في زيت سخن حمرى زهرات القرنبيط وخرجيها على مناديل مطبخ وعند التقديم حطى تحتها ورق كابوتشى بيدى شكل تحفة وبكدة يكون جاهز أحلى قرنبيط هاتكليه وتحدى 💪بقى وبألف هنا
- 6
على فكرة لما يتبقى منك قطع قرنبيط مسلوقة صغيرة أوعى ترميها اهرسيها مع باقي التتبيلة السائلة وحمريها اقراص في الزيت بتبقى تحفة زي إللى في صورة من الخلف👌👌
كلمات ذات صلة
وصفات مشابهة
وصفات ننصحك بمشاهدتها
التعليقات (3)