أول حاجة نجيب جوز الهند رقيق حسب عائلتك ونضيفلو نستله ونخلط حتى تولي طرية

ونغطيها ونخليها ترتاح لمدة ساعة ولاعادت عندك سخانة فلمطبخ دخليها ثلاجة

وكي نجبدها نلقاها شاحت نزيد لها القليل من النسلي حتى ترجع تتشرب مليح ونخليها ترتاح لمدة ساعة وهذي هي سر الوصفة باش تبقى طرية

ثم نجيب شوكولاتة نوتيلا ونفرغها في كيس بلاستيك ونشكل كرات صغيرة في مول سيليكون ونضعها في الثلاجة حتى تتماسك جيداً

ثم نكور لعجينة كويرات صغيرة ونجبد شوكولاتة ونبدا نفتح حبة ونضع في وسطها حبة شوكولاته

ونغلق عليها ومباشرة نضع الحبة في جوز الهند خشن ونرمدها مليح ثم نضعها في كيسات خاصة بلحلوة

ثم نجيب شوكولاتة بيضاء ونلسق بيها ببييونات أنا شريتهم من محل لبيع لوازم القاطو

ثم كي نكمل الحلوة نضعها في علبة التخزين ونقفل عليها باش تبقى طرية لمدة طويلة