نقوم بإحضار طنجرة نضع فيها طرف دجاج وزيت وتوابل و ملح وبصل مبشور وثوم وحبة طماطم مبشورة وطماطم المصبرة وهريسة وتخلط جيداً وبعد نحطو في النار تقلا مليح وبعد نحطو بطاطا ونفرغ عليها الماء ونقفل عليها حتى اطيب دجاج وبطاطا

ومن جيهة أخرى نحط البورما فيها الماء والكسكاس حتى يطلع لوفار وبعد نفرغ تليتلي به افور المرة الأول بزيت وبعد نسوموه بالماء 3 خطرات حتى اطيب تليتلي وفي الاخير نحطو في تليتلي شوية زبدة ونبداو نحلو فيها حتى تكون كل حبة واحدها ومن جيهة أخرى نحط البيض يتغلا يتشرشم

وبعد ما طيب دجاج وبطاطا نحي بطاطا ولحم ونصفي المرقة ونقليو بطاطا و دجاج

وبعد نجيبو بلاطو تدهنيه بزبدة ونحطو فيه تليتلي و نفرغو من فوق المرقة ونحطو من فوق دجاج والبطاطا والبيض وبعد نحطوه في الفرن حتى اطيب ويتجمر ملح وشهية طيب للجميع