ارز بالخضار في الفرن
إفتح في تطبيق كوكبادالخطوات
- 1
نفور الارز بالطريقة العادية ونديرلو شوية زبدة ونحطو على جنب جبت طرف الدجاج من المجمد درتو في شوية ماء مع الثوم والتوابل والملح وخليتو حتان (حتى) طاب والماء نتاعو خثار نحه هذاك الدجاج ونقطعو قطع صغيرة
- 2
نقشر البطاطا والجزر ونقطعهم قطع صغيرة ونملحهم ونقليهم في الزيت ونحطهم على جنب كذلك من بعد نقطع الزيتون الاخضر والفلفلة الحارة والدبشة وحبتين او ثلاثة من جبن المثلثات ومن بعد نخلط كل المكونات مع بعضها البعض
- 3
في صحن نفقص البيض نتاعنا ونضيفلو شوية ملح ودبشة والقليل من المرق لي طاب في الدجاج ونخلطوا نحط الخليط في مول للفرن ونضيف عليه خليط البيض ومن بعد نحط فوقها فرماج (جبنة) باه يذوب وندخلو للفرن قيس ما يطيب (يستوي) هذا البيض ونخرجوا ونقدمو ساخن والف صحة وعافية وان شاء الله تجربوه ويعجبكم
كلمات ذات صلة
وصفات مشابهة
وصفات ننصحك بمشاهدتها
https://cookpad.wasmer.app/dz/%D9%88%D8%B5%D9%81%D8%A7%D8%AA/11423342
التعليقات