نغسل الدجاجه ونقطعها ل٨ قطع وننقعها بالماء والملح وخل لمده ١٥ دقيقه بعدها نغسلو ونصفي نغسل الخضار نفرم البصل ناعم نهرس التوم نقطع الجزر حسب الرغبه نقشر البطاطا انا تركتها متل ماهيا لانو كانت الحبه صغيره اذا كانت كبيره فيكم تقطعوها بس تخلوها سميكه شوي البندوره نفرمها خشن طبعا فيكم تستخدمو اي نوع خضار تحبو انا هدول يلي متوفرين عندي

بالنسبه لرز انا مابحب انقعو لاني جربت بس جربت طريقه تانيه وطلعت احسن ولي هيا بغسل الرز بماء دافي بضل اغسلو وبصفي المي لحد مابتصير ميتو نضيفه بيروح منو كل النشا وبصفي حبيت هالطريقه انو ما بتخلي حبة الرز تتكسر

بنضيف الزيت والزبده بطنجرة الضغط ونضيف البصل والبهارت الصحيحه بنضل منحرك لحد ما يشغر لون البصل ونضيف عليه الدجاجاج والماجي والتوم والبهارت المطحونه ونضل نحرك ونقلب فيهم لحد ما تنشف المي يلي نزلت من الدجاج بنضيف الخضار معجون الطماطم ونحرك لحد ما تنشف كل المي وتحسي انو البهارات لزقت بأرض الطنجره بنضيف اربع او خمس كاسات مي بنستنا لحد ما تغلي المي اذا طلعت زفره بنشيلها بس مارح تطلع زفره لانو غسلنا الدجاج منيح ونضغط الطنجره بعد ما تصفر ٢٠ دقيقه

بعدها نفتحها ونشوف انو الدجاج جهز والخضار كمان منضيف مي اذا لزم و الملح ونتركهم يغلو مشان يدوب الملح ونقدر نتحكم بالملح نزيد او لا بعدها بنضيف الرز المغسول ونضغط الطنجره بعد ماتصفر ١٥ دقيقه ونسكبها بطبق التقديم وبالعافيه الصورة مو واضحه من البخار لانو صورتها بعد ما سكبتها على طول 😂 وألف عافيه