أولا نحمص تليتلي في مقلاة مع القليل من الزيت أو الزبدة ونفورو مرة واحدة فقط ثم نضعه في قدر فيه ماء مغلي وملح وورقة رند ونتركه يتشرب الماء حتي ينتفخ قليلا ثم نصفيه ونتركه جانبا

نحضرو المرق الأبيض في قدر نضع الزيت و الزبدة والبصلة المفرومة وقطع الدجاج والتوابل ونتركهم على نار قليلة يتقلاو جيدا حتى يذبل البصل ويتنكه الدجاج بالتوابل جيدا ثم نمرق بالماء الساخن ونترك الدجاج والحمص يطيبو

من جهة أخرى نغلي حبات البطاطا والبيض ثم نقلي حبات البطاطا في الزيت ونقلي حبة طماطم مقطعة دوائر ونقلي فلفل حار إختياري للتزيين فقط

عندما يطيب الدجاج والحمص نصفيهم من المرق ونحمر الدجاج

ثم نضع التليتلي في المرق الأبيض لكي يتشرب(يتجمر) حتى يطيب ويمتص كل المرق ونضيفلو ملعقة زبدة ونقدموه ونزينوه حسب الرغبة