في قصعة ندير السميد والملح ونلم بالماء وندلكها مليح نحلها قرصات صغار ورقاق ونديرها في طاجين من الجهتين طيب برك مشي تتحمر نفتتها ونخليها بجيه

نشوي الفلفل والطماطم والثوم نقشرهم مليح نقطع الفلفل ندير و في مهراس والطماطم الثوم والطماطم المصبرة والملح والفلفل الاحمر في الروبو نخلط كولشي مع بعض

ندق الفلفل نضيف عليه الكسرة وندق ونبدأ نضيف في الصلصة والماء السخون يكون يغلي حتى نتحصل على طبق زفيطي حار وبنين ونفرغو في الطبق ونديرلو زيت زيتون وشهية طيبة