في كسرونة ندير الزبدة والزيت نرمي الطماطم المرابية ونزيد ملعقة الطماطم المصبرة الثوم المرابي ونضيف غير ربع فنان ماء ونخليها تغلي وطيب لاصوص ثم نضيف الملح والكروية والكمون والدبشة نخليها تزيد غير شوي ونطفي نخليها تبرد

نجيب اطراف الدجاج بعد منكون نضفتهم وغسلتهم مليح ندير عليهم هاديك الصلصة ونضع فوق ورقة رند (غار) ونلف كل طرف دجاج بورق الالمنيوم نكرر مع كامل الأطراف لي عندي نديرهم في كسكاسة ونديرهم يفورو نغطيهم ونخليهم ساعتين وربع حتى يطيب (يستوي) الدجاج ونقدمهم شهية طيبة