كنطربو البيض مع سنيدة (سكر خشن) او فانيلا اقرصة ملح نسيت مدكرتهاش من الاول غير بالطراب اليدوي حتى كدوب من بعد كنزيد الزيت اودانون

من بعد كزيد الجزر كنحركو مزيان

كنزيد الفورص والكاكاو والخميرة مغربلين كنحركو مزيان الى شفنها باقية خفيفة كنزيد الفورص على حسب الفورص كاين لي كيشرب اوكاين لي لا

كنديرها في مول مدهون بقليل من الزيت او الزبدة

كندخلها الى الفرن حتى كطيب من بعد كنخرجها اوهي سخونة كنسقيوها بالسيرو نتاع الماء والسنيدة كنخلوها حتى كتبرد انا خليتها حتى لصباح

من بعد قسمتها على جوج اوليت سقيتها غير شوية الى لقيتوها مخصهاش السقوة متزيدوهاش انا لقيتها مزال خصها تزيد شوية

من بعد طلعت جوج ساشي كريم شانتيه في نصف ماء مثلج اجوج ملاعق سنيدة (سكر خشن) زوقت بها من الوسط ومن الفوق

الجوانب درت كاوكاو (فول سوداني) محمر ومهرمش وحبيبات الشوكولاته كيف ما قلت لكم التزيين اختياري