أنا درت لمحاجب للعشا يعني درت لعجينة قبل بساعتين ونصف

خلطت السميد والفرينة والملح مليح ومنبعد شمختها بالماء مديريهاش يابسة تجي طرية دلكتها شوية ودرتها داخل ساشي وخليتها

الحشو تاعي :قطعت أنواع الفلافل صغار بزاف والبصل ثاني باه ميطولوش في الطياب درتلهم التوابل والزيت ونقصت للفرن باه يطيبو غير في الماء تاعهم

كي دخلهم الطياب قطعت الطماطم تاعي رقيقة ثاني ودرتها معاهم وخليتها الطيب حتى تنشف وطفيت عليها وخليتها تبرد

منبعد ساهتين ونصف ىحت لعجبنة تاعي دلكتها غير شوية جاتني ساهلة متعبتنيش بزاف

درت كويرات بالزيت وغطيتهم بالساشي

نبدا نفتح بالوحدة بالزيت ونجبد من الاطراف توليلي كبيرة نطوي الجهة الفوقانية وندير الحشو فيها ومنعد نكمل نطوي كامل الاطراف حتى توليلك مربع

وطيبتها وشهية طيبة