اولا نكيل الفرينه والسميد ونضيف الملح والفاني والخميره ونخلط الكل ونعمل حفره في الوسط ونفرغ السمن وفنجان الزيت وما يكونش السمن ساخن جداً يكون نوعا ما بارد قليلا ونحاول نمزج الكل جيداً حتى الفرينه تتشرب السمن ونبدا نجمع في المزيج بماء الزهر والماء وبعدمانلموا العجينه نتركوها ترتاح مده 5 دقائق

هنا نشكلو حشوه الغرس الى حرابش كما موضح في الصوره مايكونوش خشان ياسر يكونو من متوسطين الى رقيقين ونفتح العجينه فوق بلاستيك غذائي باه يسهل العمل والعجينه تفتح متوسطه الى رقيقه لانها تلف. بعد مانفتخو العجينه نضع حربوش الغرس مع الحاشيه وندور دورتين ونصف ونقطع ونعدل الحربوش كامل ونحاول نقصلوا سمكوا ومن بعد نقطع الحبات على حساب الرغبه الا كبيره او متوسطه

وهنا نبدأ ننقش ونحط في البلا حتى نعمروه وندخلوه للفرن حتى يأخذ اللون الذهبي من تحت ثم نشعلو عليه من الفوق. ونقصو تماما النار ونهبطو البلا تاع الكوشه للاسفل مجرد نتأكدوا بلي ناشف مش باه يحمر لالا لمده 2 دقائق فقط ونخرجو الحبات ونتركوهم يبردوا واثناء التقديم نعسلوه ونرشوا عليه الجلجلانيه ويقدم بالصحة والعافيه😘