مقروط كاوكاو
مقروط لوز أنا خدمته بل كاوكاو راكم عارفين لوز غالي وكل حسب ظروفه مادية لكن والله غير جا معسل وروعة روعة هبال جربوه ومتندموش خياتي
مقروط كاوكاو
مقروط لوز أنا خدمته بل كاوكاو راكم عارفين لوز غالي وكل حسب ظروفه مادية لكن والله غير جا معسل وروعة روعة هبال جربوه ومتندموش خياتي
إفتح في تطبيق كوكبادالخطوات
- 1
أولا نفور كاوكاو مليح ومنبعد كي يبرد ندخلوه كوشة باه ينشف متخلوهش يحمار كي ينشف من هداك زيت لي خرج فل تفوار نخوه وخلوه يبرد مليح قبل ما ترحوه
- 2
نرحوا كاوكاو تعنا فل روبوا بصح منرحوهش مليح يعني مدشش لاخطر منبعد نعاودو نرحوه
- 3
كنرحوه نعبروا تلات كيلات وكيلة تاع سكر ونخلطوهم مع بعض ومنبعد نعاود نرحيه فل روبوا مع هداك سكر باه سكر يترحلنا مليح
- 4
منبعد كنرحوه نديروه في قصعة ولا بسينة شوية كبيرة ونزيدوله مبشور ليمون ولفاني ولبيض نولوا نديروا غير بل حبة ونعجنوا هداك خليط مليح كي نشوفوا خليط يتعجن في يديك حبسوا لبيض وقعدوا تعجنوا حتي لعشر دقايق بيديكم باه هداك سكر كامل يذوب
- 5
ومنبعد نخلوه يريح ساعة لاخطر فل حقيقة مقروط كاوكاو ولا لوز لازم يقعد ليلة كاملة لكن أنا خدمته تم تم لاخطر رحيت سكر مع كاوكاو
- 6
بعد ساعة نجيبوه ونديروا حرابيش ونقطعوهم علا شكل مقروضات كما مبين فل صورة
- 7
ومنبعد ندخلوه يطيب مدة عشر دقايق هذا مكان قد ما يطيب هذاك لبيض وكي نخرجوه نغطسوه فل شربات ومنبعد نديروله سكر ڨلاسي يعني نسكروه
- 8
وبصحتكم والله غير جا هايل ومعسل ويتفتت
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (2)