نحضر عجينة المسمن بالطريقه المعتاد عليها ولي سبق ان ذكرتها في وصفة المسمن بعجن الدقيق والفرينة مع ملح وماء وندلك العجين جيدا حتى يصبح لين نشكل كريات ونتركهم يرتاحو.

نحضر الحشو نقلي البصل فالزيت حتى يذبال مليح نضيف عليه الطماطم ونقليهم على نار قوية لازم الطماطم ماتطلقليش الماء نضيفلهم سيبولات الثوم والملح والفلفل ونطفئ عليهم ومانخليش الطماطم تطيب بزاف

نحل كرة من العجين نلف الجانبين ونضع حشوة الطماطم ونكسر حبة البيض فوقها ونضع كمية جبن مبشور ونغلقها مباشرة ونقليهم في خليط زيت و سمنة ونواصل العملية حتى نكمل كل الكمية.