نجيب الطنجرة نحط الزيت والزبدة وبصلة مرابية مع الثوم مرابي نقليهم مليح نزيد اطراف الدجاج ونضيف التوابل ونقبيهم مليح نزيد الجزر مقطع دوائر ونزيد نقليهم

منبعد نمرق بشوية ماء قيس مايطيب الدجاج وجزر ونخليهم يطيبو

نجيب الزيتون ونغسلو مليح ونديرو يغلي في الماء ومغرفة سكر لمدة خمس دقائق ومنبعد نطفي عليه

كي نشوف المرقة تاعي بدات تنقص نحي شوية مرقة ونديرلها شوية فرينة (طحين او دقيق) والمعدنوس مقطع وعصرة قارص (ليمون) ونفرغوها في القدرة باه تعقد ونرمي الزيتون ونخليها تعقد ونطفي عليه وشهية طيبة