قرص النواعم الهشة
"محشيه سكر"
إفتح في تطبيق كوكبادالخطوات
- 1
أول حاجه هجيب ربع كبايه لبن أو ماء دافيه احط فيها الخميرة و ملعقة صغيرة سكر و اسيبها على جنب
- 2
هجيب الدقيق احط عليه المواد الجافة الأول ملعقة السكر الصغيره و الملح بعد كدا هضيف الزيت و الخميره و هعجن شويه بشويه باللبن ممكن تستخدمي ماء أو لبن رايب عادي زي ما تحبي هتفضلي تعجني فيها لحد ما تبقي ناعمه جداا وطرية جداً جداً انا المقدار دا خد معايا كبايه اللبن كلها انتي حطي بالتدريج عشان حسب نوع الدقيق ممكن تأخذ اكتر أو أقل
- 3
غطي العجينه بغطا و فوطه نضيفه و هتسيبيها تختمر لمده نص ساعة في فرن دافي "سخني الفرن على 180 لمده دقيقتين"
- 4
بعد ما تطلع هتقطعيها لقطع متساويه انا معايا طلعت 10 لاني عملتها كبيرة ممكن تعمليها صغيرة و هتطلعلك 18 مثلا هتكوري كل واحدة بعدين تفرديها على ايدك و تحطي جواها ملعقة صغيرة سكر أو ملعقة ونص ومتكتريش عشان العجينه متفتحش منك ومش تعرفي تقفليها في كل ما ما تحطي بالمعقول كان احسن.
- 5
بعدين هتقفليها زي البؤجه وتمسكيها من المكان اللي قفلتيه دا و تغطسيها في طبق"فيه العسل و النص كبايه ماء دافيه" بس دا وانتي مسكاها مش تسيبيها بعدين تطلعيها من العسل وتغطسي وجهها في طبق "فيه 5 ملاعق سمسم و2 سكر كبار" وتضغطي على خفيف بحيث تلم سمسم بعد كدا هتطلعيها على صينيه مدهونه زيت كويس
- 6
و تحطيها على الحته اللي كنتي قفلاها منها و تضغطي على وجهها عشان تفرديها كويس بس مش تضغطي جامد برضو عشان متفتحش يذوب بس تتفررد شوية و بعد ما تخلصي تسيبيها ترتاح شويه 5 دقائق كدا
- 7
هتسخني فرن على حراره 200 بعدين أما يسخن دخليها لمده من 12 ل 15 دقيقه مجرد ما تلون من تحت افتحي عليها الشوايه لحد ما تأخذ لون حلو طلعيها و غطيها على طول في علبه و غطيها بفوطه عشان متنشفش منك و تفضل هشه وطرية وأن شاء الله تعجبكم و هي سهله جداً على فكره و مش بتأخذ وقت وبالهنا والشفا❤😘
وصفات مشابهة
وصفات ننصحك بمشاهدتها
التعليقات (2)