فينو الأفران الطري والهش 🍞☕
إفتح في تطبيق كوكبادالخطوات
- 1
هنحط مكونات الخميرة كلها على بعض و نسيبها لحد ما تشتغل و تبدأ تفور
- 2
هنحط الدقيق و عليه باقي المكونات و الخميرة بعد ما تختمر
- 3
هنعجن بالماء الدافيه شويه بشويه لحد ما العجينه تبدأ تلم معايا اعجن جامد فيها "انا عجنتها من ربع ساعة ل ثلث ساعة على أيدي مش عجان عشان كنت بضيف الماء شويه بشويه على حسب م العجين ياخذ. هتعجن فيها برضو على الرخامه نشد ونلم فيها لحد ما تبقي لينة وبتلزق كدا بقت تمام
- 4
هنغطي على العجين و نسيبه يخمر في فرن دافي لمده ساعة..
- 5
بعد كدا هنطلع العجين و نفرغ منها الهوا و هنبدا نكورها ل 7 كور و نرش بعد كدا الرخامه بالدقيق و نأخذ كل كوره ونفردها مستطيل أو دايره عادي بس نرفعها يعني مش تخينه لأن بعد كدا هنبرمها و نقفل الاحراف من الجناب و من تحت و هنحطها في صينيه مدهونه زيت على الجزء التحتاني دا عشان ميفتحش بس نقفله كويس..
- 6
هنراعي المسافات بين كل رغيف و التاني مثلا 5 سم عشان هتلاقى الحجم في الأول زي السميطه بعد كدا بتتضاعف وتعلي و تعرض.. هنغطي الصواني و نسيبها في مكان دافي لمده نص ساعة
- 7
بعد ما يعدي الوقت.هنطلع الصوااني من المكان الدافي و نسخن الفرن على 260 لمده ربع ساعة في الوقت دا هنجيب ربع كبايه لبن عليها ملعقة زيت كبيره و ندهن كل رغيف براحه جداً بالفرشه عشان الهوا اللي جوا الرغيف مش يطلع
- 8
بعد ما الفرن يسخن هندخل الصواني لمده من 10 ل 12 دقيقه على الرف التاني من الشوايه بعد كدا نشغل الشوايه ياخذ لون من فوق و نقفل
- 9
أول ما نطلعها هنبخها بماء عشان يفضل الفينو طري و هو لسه في الصينيه و ماينشفش و نغطي عليها بفوطه لمدة 5 دقائق كدا و هيطلع تحفة و هش و خفيف ومش مكتوم من جوا و بالهنا و الشفا😙❤
- 10
ملحوظه: معلش نسيت اصور الخطوات عشان مهمه بس مجاش في بالي اني انزلها في لو عملتها تاني تابعوني و أن شاء الله انزلها بالصور😉💓
وصفات مشابهة
وصفات ننصحك بمشاهدتها
التعليقات