هنجيب بوله ناشفه تماما مش فيها نقطة مايه عشان دا أساس الوصفه لا المضرب ولا البوله فيها نقطة مايه...هنحط فيها بياض بيضتين و الملح و الليمون و نضرب لحد ما يعمل فوم كدا و يفتح لونه و يبقي هش

هنضيف بعد كدا السكر شوية بشويه معلقة بمعلقه كدا واحنا بنضرب عشان يدوب كويس بعد كدا نضيف الفانيليا و نضرب لحد ما يبقي قوامة زي الكريم شانتي كدا و يعمل شكل المنقار ف الويسك بتاع المضرب بعد كدا هنحطه ف قمع و نشكل ف صواني فيها ورقه زبده هندخله فرن سخن من 5 دقايق ع درجه 100 أو أقل درجه عندك من 80 ل 100 يعني مش اكتر من كدا لمدة ساعه و بعد كدا نقفل الفرن و نسيبه ف سخنيه الفرن من 10 ل ربع ساعه بعد كدا طلعيه يهدا و فكيه واحده واحده براحه هيطلع بكل سهولة و هيبقى مقرمش و حلو و بعد كدا حطيه ف كيس أو ف علبه

و غطيه كويس عشان مش يطري😘❤