لتحضيير العجينة🤗 نضع المواد الجافة اولا يعني نبسس الفرينة ب 2 م ك مارغرين و ملح و نلم بهداك نصف كاس ماء لي فيه خميرة و نلم بالماء حتى تحصلي على عجينة ثم تحطي في الوسط م ك مارغرين و تلمي وتغطيها و تخليها نصف ساعة تخمر 🤗😬😬

في كسرونة ديري صلصة طماطم تبشريها و فص ثوم و م.ك زيت و فلفل اسود و ملح و فلفل احمر و زعتر و تخليها على نار هادية وحدها تطيب

من جهةاخرى ديري م.ك زيت اومارغرين في مقلة و تقلي اللحم المفروم مليح و كي يطيب تنحيه و هاداك الزيت لي طيبتي في اللحم تحطي فيه صلصلة الطماطم للي كانت طايبة

منبعد حلي العجينة مشي رقيقة و ديري الحواشي فيهم جبن طري و غلقيهم وحطي الصلصلة و اللحم وزعيهم و فلفل اخضر مقطع يلا عندك و زيتونات و دخلي في الفرن ساخن انا نشعل من فوق و من تحت و ندير سنيوة فوق سنيوية باش تقعد طرية و ماتيبسش ووحد 8 دقايق هكاك خرجيه ديري جبن مبشور و فتاتات مارغرين مللفوق و دخليه للفرن و طفي من فوق و خليه 5 دقايق هكاك المهم نتي و الفرن تاعك 😅❤❤