منخلط البيض مع السكر والفانيلا والخل وبعدين منضيف اللبن والسميد والبكنبودر

منخلطن منيح ومنقسمن ع قسمين قسمن منمده بصينية مدهونة زبدة او زيت ومنكبسة منيح مندخلا ع الفرن ربع ساعة لتاخد لون من فوق ما تسمكوها تقريب ٢ سم

منكون مجهز القشطة. منحط الحليب بالطنحرة ومنحط عليه السميد والنشاء والفانيلا والسكر ومنحطا ع النار مع التحريك المستمر لحتا نحصل ع خليط متجانس منضيف علبة القشطة ومعلقة ماء زهر هيك بتكون جاهزة

منطلع الصينية من الفرن منحط طبقة قشطة ومن فوقا القسم التاني من خليط البسبوسة ومنكبسا بلطف ومنبل ايدينا مي مشان يكون الوجه ناعم

منرجعا ع الفرن حسب نوع الفرن. تقريبا شي تلت رباع الساعة

بس استوت منطالعا ومنسكب القطر عليها القطر حامي. وهي حامية ومنقطعا وبس بردت منقدما بطبق التقديم ومنزينها بالفستق او اي نوع قلوبات عندك

وصحتين وهنا