في مقلة نحط البصل مفوم او مقطع صغير مع الزيت و نشوحو مليح مع بعض يعني نخليه يتقلى ثم نضيف اللحم المفروم بعد ما يذبال البصل و مع الملح والفلفل الاسود

البطاطا نغليها بعد ما نقشرها لما طيب نمرسها بالفرشيطة او الشوكه او الة يدوية المهم تكون عندي بطاطة مرحية نضع التوابل ملح فلفل اسود معها زيتون مقطع رقيق نقد نظيفلها بصل قبل ما نظيف ليه اللحم و نخلط ثم نجيب الديول نتاعي و نضع مثل ماهو موضح في الصورة البطاطا

ثم نخلي فراغ لكن تكون فيه قليلا من البطاطا حتى ما يخرجليش البيض و نضع اللحم و في الوسط البيض و نغلق من الجانب الايمن ثم الجانب الايسر و نكمل من الامام والخلف نتحصل على مربع و في نفس الوقت نكون سخنت زيت للقلي ما يكونش بزاف و ما يكونش قليل ولما نحطها يكون النار قاوية لما نحط المربع او البريك نقص النار تكون متوسطة و نجيب مغرف و نسكب للبريكه الزيت فوقها حتى يطيب البيض و شهية طيبة