إفتح في تطبيق كوكبادالخطوات
- 1
أول حاجه في بوله هنحط الدقيق و السكر والملح و البيض و خليط الخميرة بعد ما يشتغل و نضيف اللبن شويه بشويه و نعجن فيهم مده متقلش عن عشر دقائق
- 2
بعد كدا هنجيب الزبدة تكون طرية بدرجه حرارة الغرفة هنحطها على العجينه و نعجن لمده 8 دقائق كدا كويس بحيث يبقى عندنا عجينه ناعمه و طرية و الاحسن في الوصفه دي تمشي بالجرامات احسن عشان تطلع مظبوطه و حلوه لأن مقدار كبايه عن كبايه بيختلف و دا ممكن يغير في قوام العجينة. ومتحاوليش تضيفي دقيق تاني لو لقيتيها طرية لا اعجني فيها و هي هتلم معاكي و مش هتلزق و هتبقى حلوة
- 3
بعد ما خلصنا عجن هنحط العجينة في طبق ممسوح بالزيت و هنغطي العجينة و نسيبها تختمر لمده ساعة في مكان دافي
- 4
بعد ما العجينة تختمر هنقسمها ب ايدينا لجزئين و هنرش الرخامه بالدقيق و و نفرد الجزء الأول من العجينة و هو عليه رشه دقيق بالنشابه و نخليها بسمك 1 سم و هنجيب قطاعه دونتس لو مش عندك ممكن ب كبايه أو سلطانيه واسعة شويه عشان تقطع حجم متوسط كويس او صغير حسب ما تحبي.المهم هتحطي القطاعه في الدقيق عشان متلزقش في العجين و تقطعي وممكن تخرمي في النص ب غطا ازازه (قارورة) و بردو تغمسيه في دقيق و كل واحدة تطلع هنحطها على ورق زبدة هنقطعه مربعات على قد واحده الدونات بعد كدا أما تخلصي الكمية كلها
- 5
هتحطيها ف مكان دافي تاني زي الفرن تدفيه و تقفلي و تسيبيها لمده تلت ساعه بالكتير بعد كدا هتشغلي النار ع الزيت بس تكون نار متوسطة لهاديه اول ما تحسي انه سخن بس مش بيغلي يعني يدوب بيعمل فقعات صغيره هتنزلي وحدات الدوناتس بورقتها عشان تحافظي ع شكلها مش يبوظ و انتي بتحطيها ف الزيت و متخافيش الورقه هتفك ف الزيت و بماسك و ترميها بعد كدا أما تلون من تحت تقلبيها ع الوش التاني بشوكه لمدة دقيقة كدا هتاخد لون قبل ما تطلعيها ب ثواني تقفلي النار عشان الزيت يهدي عقبال ما تطلعيها (هتطلعيها ع مناديل أو ورق زبده
- 6
بعد كدا هتنزلي بالدور اللي بعده والنار مطفيه بالورقة برضو و بعد 10 ثواني كدا افتحي النار على الهادي لمتوسط و أول ما تلون اقلبيها على الناحية التانيه و قبل ما تشيليها ب ثواني و تقفلي النار و هكذا لحد ما تخلصي كل الكمية
- 7
المقدار دا يعملك 14 واحده متوسطين كدا.لو عايزه تحطي عليه سكر بودرة تزينيه بيه.أول ما يطلع على طول و هو سخن تكوني مجهزه جنبك سكر بودرة تنخليه فوقيه و هو سخن عشان يلزق فيه
- 8
لو عايزه تزيينه بشوكلاته زيي انا جبت شوكولاتة باللبن من دريم بتكون حجمها 200 جرام ببشورها و احطها في طبق عليه ملعقة كبيره زيت و يجي ثلث كوب لبن أو حسب سمكها اللي انتي عايزاه و تقلها و اسيحها على حمام ماء و بس كدا اخد كل واحده و اغطسها في الشوكولاتة و ممكن تسيبوها كدا أو تحطو عليها اللي انتو عايزينه سوداني مجروش أو بندق أو لوز.فستق.شوكولاته شيبس.شوكولاته مبشوره زي ما تحبو و بالهنا😘😘❤
كلمات ذات صلة
وصفات مشابهة
وصفات ننصحك بمشاهدتها
التعليقات (2)