كرواسون بشوكولا
مممممم بزاف بنان
إفتح في تطبيق كوكبادالخطوات
- 1
في إناء حطي الحليب الدافي والخميرة والسكر وخليهم يتفاعلو وحد 5دقايق
- 2
بعد مايتفاعلو ضيفيلهم الزيت والملح والخل والفانيليا والسكر ونخلط جيداً نستعمل مغرفة وبعدها نجيب كاس لول تاع الفرينة نفرغو ونخلط بلمغرفة ونزيد الكاس الثاني ونزيد نخلط ونزيد نضيف الكاس الاخير حتى نتحصل على عجينة طرية مشي يابسة
- 3
حطيها تختمر في مكان دافي حوالي ساعة
- 4
بعد ماتخمر حبطيلها لخمور وديري الفرينة باش متلسقش واقسميها الى 12كرة وغطيهم وخليهم يريحو 10 دقائق
- 5
بعد ما يرتاحو الكرات نحط شوية نشاء فوق طاولة العمل ونبدا نحل بسمك شوية رقيق وخلي كامل الكرات نتاعك وحطي مايزينة (نشاء) بيناتهم كمليهم كامل وحدة فوق وحدة
- 6
نجيب طبسي مرشوش بشوية نشاء نحط خبزة وحدة فوق هاداك الطبسي ومبعد ذوبي شوية زبدة أو مارغرين وادهني سطح الخبزة ومتكتريش بزاف وزيدي الخبزة الثانية ونكملوهم بنفس الطريقة حتى يخلاصو كي تبقالك لخرا كامل متدهنيهاش بزبدة كي تكملي غطيها وحطيها فثلاجة مدة 10دقايق باش تجمد هاديك الزبدة ومبعد خرجيهم
- 7
نرش سطح العمل نتاعي بكمية مليحة نتاع الفرينة ونجيب الخبزة تاعي ونبدا نحل بالحلال نبدأ فلوسط باش فلجوانب ونروح بلعقل حتى نحلها كامل مشي رقيقة بزاف وقطعي بلموس أو الجرارة على 4 ومبعد كل وحدة زيدي اقسميها على 4 وهكذا تتحصلي على 16 مثلث
- 8
ومبعد جيبي مثلث واحد قطي خط ملفوق وحطي شوكولاته ورولي كيما اي مثل الكرواصون ودهنيهم بصفار بيضة وخليهم يريحو وحد 10 دقائق ودخليهم للفرن يكون سخون منقبل وبصحتكم 😋
كلمات ذات صلة
وصفات مشابهة
وصفات ننصحك بمشاهدتها
التعليقات (30)