في حلة على النار نحط شوية زيت ونشوح فيهم البصلة وبعدين ننزل الفراخ.

أول ما الفراخ تاخذ لون أبيض نحط عليها البهارات والفلفل والملح.

نقلبهم ونحط ربع كمية عصير الطماطم.

في حلة تانية نسبّك بقية عصير الطماطم مع ملعقة معجون الطماطم والبهارات وورق اللورا والزعتر والريحان.

في صينية الفرن نحط شوية من الصلصة المتسبكة ونرص فوقها طبقة لازانيا وفوقيها شوية من الفراخ نوزعها بالتساوي.

نحط تاني طبقة لازانيا وفوقها شوية صلصة وخليط الفراخ.

نكمل كده لحد ما نخلص عدج الطبقات اللي احنا عاوزينه، نسيب شوية صلصلة نحطها على الوش ونرش موتزاريلا.

نغطي الصينية بورق فويل وندخلها الفرن على درجة حرارة متوسطة عشان اللازانيا تستوي براحتها كويس.

نختبر اللازانيا بشوكة، لو لقيناها استوت نشيل الفويل ونخليها تاخذ وش.