أول حاجه هنعصج اللحمة :هنجيب حله نحط فيها البصلايه بعد ما تتفرم فرم متوسط لا ناعم ولا خشن و بعدين هنحط عليها شويه زيت ع قد البصلايه ممكن 5 معالق زيت كبار و نقلب فيهم ع نار متوسطة لحد ما يدبل بس مش يصفر بعدين هننزل باللحمة و نقلب و نحط كل التوابل و نقلب و نوطي عليها و نغطي لحد ما تنزل مايتها و تشربها...ف نص السوا كدا هننزل بالطماطم (هنضربهم ف الخلاط و نصفيهم)و هنقلبهم مع اللحمة و نسيبها لحد ما تتشرب دا كله و تمسك كدا و نقفل عليها

بعد كدا هنجيب طبق متوسط نملاه سمنة و نسيحها أو زبدة بس مش نقدحها لا يدوب تسيح بس و ندفي الشوربة مش تبقي مغليه عشان متهريش الرقاق

هنجيب صينيه مقاس 30 ندهنها سمنة بالفرشه كويس من الارضيه و الجناب...بعدين هنجيب واحده من الرقاق و نسقيها بالشوربه من الناحيتين كدا ع خفيف يدوب نبلها برضو مش تطري اوي و نحطها ف الصينيه و بالفرشه و ندهنها سمنة خفيف كدا بعدين نعمل نفس الخطوات تاني نسقي واحده رقاق و نحطها فوق التانيه و بالفرشه و نعملها سمنة خفيف لحد ما نعمل 4 واحدات كدا بس الرابعه أما تحطيها متمسحيهاش بالسمنه ولا تبليها بالشوربه اوي لا خفيف اوي عشان أما اللحمة نحطها عليها هي بيبقى فيها مايه و سمنة اصلا ف لو حطينا ع الرقاق تاني

هيبوظ الطبقة..ف هتعملي كدا 4 طبقات تحت و الطبقة الاخيره دي مش مدهونه سمنة و تحطي بعد كدا اللحمة و تفرديها ف الصينيه كلها بعد كدا هتكرري الخطوات تاني ف ال 4 طبقات التانيين...بس الطبقه الاخيره مسحتها بسمنه بلدي تديها طعم حلو بس عادي مش لازم سمنة بلدي ممكن تكملي بسمنه عاديه من بتاعتك...

قبل ما تحطي الطبقه الأخيرة دي شغلي الفرن ع 240 يسخن لحد ما تخلصي و بعد ما تخلصي دخلي الصينيه و غطيها بغطا حله ل10 أو 15 دقيقه كدا عشان القعر يتحمر حلو من غير ما الوش يتحمر زياده..و بعد ما تعدي ال 10 دقايق شيلي الغطا و تابعيها بقي لحد ما تلاقيها خدت اللون اللي انتي عايزاه و برضو ع حسب شده فرنك ممكن ياخد وقت أقل أو زياده انا معايا الوش دا طلع بعد نص ساعه من غير ما أشغل شوايه..مش هتحتاجيها هي هتتحمر من فوق لوحدها من سخونيه الفرن وبس كدا ومتخافيش السمنه مش كتير هيطلع معاكي خفيف و مورق و حلو مش

معجن المهم تدهني الاطراف كويس سوا من الشوربة أو السمنة عشان مش تطلع نشفه لا تكون مقرمشه و خفيفه و بالف هنا ليكو💖💖

ممكن بعد ما تطلعيه لو عايزاه وشه طري تغطي عليه بغطا الحله تاني عشان تكتمي البخار اللي يطلع و يطري وشه لو عايزاه وشه مقرمش متغطيهوش أما يطلع