نضيف الدقيق عليه الملح ونقلبهم مع بعض

ورش الميه شوية شوية على الدقيق ونفركه لحد ما نلاحظ أن الدقيق بقى عجين مفرول يعنى مش ماسك فى بعضه

ناخد كميات بسيطة نحطها فى الكبة ونفرم العجين حسب ما تحبيه خشن او ناعم... بس بلاش ناعم اوى

نكون مجهزين حلة الكسكسي بتتباع فى المحلات... ولو معنكيش ممكن تجيبى حلة نصها مية وحطى عليها مصفة والزقيهم فى بعض بقطعة قماش عليها عجين(عبارة عن دقيق وميهبس تكون عجينة تقيلة) وغطيها بغطا يكون ميسربش البخار

تجيبى اى قماش نضيفة عندك او شاش وتحطيه على المصفاة وحطى الكسكسي بعد الفرم وغطيها بالقماش وبعد كده بالغطاء بس باكد يكون ميسربش البخار وسبيه على النار متوسطة لمدة من ٢٠ إلى ٢٥ دقيقة وطبعا بعد اول ١٥ دقيقة لازم تقلبيه بس بحرص علشان متتلسعيش

نكون مجهزين طبق العجين بعد تنضيفه وبعد نحط الكسكسي فى الطبق وبمعلقة خشب نقلب فيه علشان يفك من بعضه ورشة مية بسيطة حوالى نص كوباية ميه نرشها عليه ونقلبه علشان يبقى مفرول

نحط المكون تانى فى الكبة ونكرر موضوع الفرم وبعد كده ورفعه تانى على النار نفس المدة للتسوية والتقليب

وبعد ما يستوى نفضيه فى الطبق وتكوني مجهزة حوالى ١كوب ونص سمن سايح وتضيفيه على الكسكسي ممكن تقولى دا قليل كده افضل علشان فى ناس مش بتحبه دسم

وتقدرى تقدميه عليه سكر بودر بس او تضيفى زبيب او مكسرات زى ما تحبي و بالف هنا