حبة بطاطا مقشرة و فرغتها من الداخل دهنتها بزيت و زعيترة ودخلتها للفرن تتشوى بعقلها حتان (حتى) طيب

من جهة اخرى تبلت الدجاج ليلة من قبل ،دجاج مقطع مكعبات تبلتو بتوابل الدجاج توابل شاورما زنجبيل عكري كزبرة فلفل اسود خردل ملعقة كبيرة خل بو دياوورت ناتير و خليتو بايت في التتبيلة

ذبلت لبصل وفي الزيت و زدت الدجاج خليتهم تقلاو مليح زدت عليهم ملعقة كبيرة طماطم مصبرة و زدت قليتهم و كاس ما و تخلي الدجاج يطيب (يستوي) و يشرب لصوص

خدمت صلصة الجبن بالحليب و نشا و فلفل اسود حتان (حتى) ثقالت فوق النار و زدت عليها فرماج (جبنة) قطع