نستحق فالبابا 200غ فرينة و و 100ملل تاع حليب دافيئ زوج حبات بيض 10 غ تاع سكر 10 غ تاع خميرة الخبز مبشور الليمون قرصة ملح 50 غ تاع الزبدة بحرارة الغرفة في الأول ندير 100 ملل تاع الحليب الدافيئ و 10 غ خميرة الخبز و 10 غ سكر نخلطهم مليح و نخليهم بجيهة حتى يتضاعف الحجم تاعها و من جيهة ندير 200 غ تاع الفرينة و مبشور الليمون و الملح و زوج حبات بيض نضربهم مليح بالخلاط الكهربائي و من بعد نضيفلو الخليط تاع الخميرة و السكر و الحليب و نزيد نضرب حتى نشوف العجينة سائلة نزيدلها 50 غ تاع الزبدة و نزيد نخلطهم

و منبعد نخليها تخمر مليح حتى نشوف العجينة تضاعفت نجبد لي مول تاع لي بابا تاوعك و ندهنهم بالزبدة و الفرينة و نحط العجينة تاعي في المول و نزيد نخليهم يخمرو مرة ثانية حتى يتضاعف الحجم و ندخلهم للفور يطيبو

الشربات : كأس سكر و زوج كيسان ماء نحطهم فوق نار متوسطة كي نشوفها تغلي نحسب عشر دقائق و نطفي عليها و ندير شرائح الليمون ونخليها تبرد و كي يطيبو البابا تاوعك خرجيهم و شربيهم مباشرة