نحضر إناء نضع فيه زوج كيسان ماء دافيين و مغرف خميرة و سكر و حليب لحظة (حليب بودرة) نخلطهم و نزيد نص كأس زيت و بياض بيضة ونخلط. المكونات مع بعض و نزيد 3 كيسان فرينة و نخلط و لكأس رابع نزيدو بالعقل و إذا شفتيها مازال تحتاج الفرينة زيدي الكأس الخامس كل وحدة و لكأس لي كيلة بيه و نخليها تختمر مدة 10 دقائق

خليتها خمرت امبعد نكسرهلها لخمور تاعها و نحطها في لبلا و ندهنها بصفار بيضة مع قطرة قهوة ولا حليب وندهن السطح و نقصمها و نخليها تزيد تختمر و ندخلها ديراكت للفرن طيب