اللازانيا هيه معكرونة بس بتتعمل بطريقة مختلفة وليها تيست كده شيك ورائع متقلقوش خالص من موضوع تسويتها عشان بتتحط شبه ناشفة في الفرن بس صدقونى بتستوى وبتبقى تحفة

احضر علب اللازانيا (غالية شوية معلش نعملها كل سنة مرة🤗🤗

نغلي ماء على النار مع اضافة ملح (مش كتير)وملعقة زيت

اجهز البشاميل (نحط الدقيق في اللبن البارد واقلبه كويس جداً وشوية ملح وفلفل اسود واحطه على النار واقلب باستمرار لحد ما القوام يتقل ويصبح قوامه كالمعتاد مش تقيل ولاخفيف ويفضل انه يكون اخف من البشاميل العادي عشان بيساعد على تسوية اللازانيا ونضيف ملعقة سمنة وعلبة كريمة طبخ صغيرة لو متاح( ممكن منحطهاش عادي)

اجهز الجبن واخلطها على بعض

اجهز الصينية وأبدأ في سلق اللازانيا نص سلقة احطها واحدة واحدة لمدة دقيقة فقط يعنى مش تطرى قوى تبقى ماسكة نفسها ولو هيه الوان بظبطها مثل الصورة

أبدأ في رص الطبقة الأولى اضع في أسفل الصينية شوية من البشاميل ثم نرص قطع اللازانيا طبقة واحدة فقط ثم نضع جزء من اللحمة ثم رشة من الجبن المشكلة

ارص الطبقة الثانية وفوقها باقي اللحم المعصج وجزء من الجبن المشكلة

نرص اخر طبقة من اللازانيا ثم نضع كمية البشاميل كلها ونتأكد انها كمية وفيرة وتغلغلت في الصينية كلها لأن البشاميل هو العنصر المساعد على تسوية اللازانيا ونضع كمية وفيرة من الجبن المشكلة على وجه الصينية

نضعها في فرن متوسط الحرارة حتى يحمر الوجه وبالف هنا 🤗🤗

ممكن تحشوها فراخ او اي حشوة تفضلونها