أولا نخلط سوائل ونزدلهم سكر وخمارة وحبة لبيض نخلط مليح ونبدا نزيد فل فرينة كي نكمل نصف تاعها نزدلها ملح وخميرة حلوة ونكمل باقي حتى نتحصل على عجينة نخليها ترتاح ربع ساعة

ثانيا نجيب فلفلة تاعنا أنا ديما نشويها ونغسلها ونخليها كي يتقطر هذاك ماء نقطعها وندرها في ساشي ونحطها في بوغت وندرها فل مجمد باه منعياش فل خدمة المهم نجيب فلفل تاعنا كي يذوب هذاك لڨلاس نحط في مقلاة زوج مغارف زيت ونقطع حبة بصل وثوم ونقليهم ومنبعد نزدلهم هديك فلفلة ونقليها مليح

ونزدلها لحم مفروم يتقلا معاها

المهم كي تريح لعجينة تاعنا نقسمها لست كريات الطبقة الأولي ندير ثلاث كريات نحلها بطريقة بقلاوة يعني بين كل كرية ندير مايزينة (نشاء) ونحلها باه تجينا مورقة ونحط لحشو ونزيد فوقه فرماج (جبنة) وكاشير وحشو كل واحد واش عنده ومنبعد تاني بنفس طريقة ندير طبقة ثانية ونقطعها وندهنها بصفار لبيض وندخلها للفرن ونطيبها مل تحت ومنبعد مل فوق وبصحتكم