نخلطو جميع المكونات الجافة مع بعض و نبدو نضيفو الماء بشوي بشوي حتى نلموها طرية تتلسق شوي نخلوها ترتاح مدة باهية حنى وين يتضاعف حجمها

نهبطو العجينة و نزيدو نخلوها تخمر مرة اخرى بعد الخمرة التانية نهبطوها و نعجنوها بمغرف زبدة

بالنسبة للصلصة نديرو طماطم المقشرة في مقلة عليها شوي زيت و ندير فيها التوابل المذكورة و نخليها حتى طيب مليح مليح

نهزو الخليط و نميكسوه حتى تولي صوص نخلوها تبرد

نحلو البيتزا مش رقيقة ياسر و نحطو فوقها الصوص بعد متكون بردت باه متقطعش لعجينة

الوقت لدرنا فيه العجينة و كلش الفور راح محلول على اقصى درجة نسخنوه مليييح مليييح

نحطو البيتزا تاعنا و فوقها الفرماج و نزينوها بالموجود و ندخلوها على اقصى درجة

نخرجوها نزيدولها الفرماج رابي و بالصحة و الهناء