بغسل رز اكتر من مرة وبنقعه وبحط عليه صبغة صفرا او كركم الموجود حطوا

بحط بصل لحتى بذبل وبعدها وزنجبيل و ورق الغار وبحط لحمة وفلفل اسود و ملح وبهار وبدير فوقها ماء اهم شي ما تكون ساخنه عشان ما تقمط لحمة 🤣 وبتركها بالطنجرة الضغط حوالي ساعة الا اذا كانت طازجه

بالخلاط بحط لبن وملح وملح ليمون (اهم شي ما يكون كتير حامض) بعد ما اخلطه حوالي ٣دقايق

بحطوا بطنجرة وبدير فوقه جميد سائل وبضل احركهم لحتى ما يغلو (اهم خطوة انو اضل احركه وما اتركه عشان ما يفرفط معي لبن) وبس يخلص و يغلو لبن يفور بدير شوي من ماء لحمة ما اكتر اهم شي يعني يادوب كاسه شاي بتركهم يتسبكو بعدها بحط لحمة

رز بس ينتقع بصفيه وبطنجرة بحط زيت وشويه سمنه بعدها بحط رز وبقلبهم وبدير عليهم ملح وماء ساخنه وبس تغلو الماء بخفف تحتها وبتركها حتى يستوي

بحط بسدر رز و فوقه لحمة وبزينه بثدونس ولوز وبحط شوربه بصحن

صحة وهنا