اخلي الحليب في قدر واخاي فوكاها الكاسترد واخلطهم حتى يتجانسوا ومايبقى محبب اخلي على نار هادئة وابقى اقلب بي لحد مايصير عندي القوام المطلوب اطفي النار واخلي في صحن التقديم يكون شوية سميك واتركه ليبرد في حرارة الغرفة

اخذ البسكويت واطحنه في ايدي واخلي فوك الكاسترد واخلي بالثلاجة لمدة ساعة او نصف ساعة حتى يتماسك عندي الكاسترد

اخلي كوبين ماء في قدر صغير واخلي على نار لحد مايفور افرغ الجيلي بداخله وابدي اخلط بي لحد مايذوب بعدها اشيله من النار واتركه يبرد شوية قبل لا يتماسك اخلي فوك الكاسترد وارجعه لثلاجة ايضا لمدة ساعة حتى ينطيني القوام الى اريده

وبهذا حتصير عدنا ثلاث طبقات الاولى الكاسترد بعدها البسمويت المطحون والطبقه الاخيرة الجيلي تكدرين انتي تسويهم اكثر من طبقة وحده او تضعيهم في كاسات صغيرة اني خليتهم في طبق كبير سميك شوي وتقديمنه كتحلية وره الفطور. والف عافية 😘